На 17 Декември 2017 г. ДПС Трансверзалец Скопје организира еднодневна планинарска акција на планината Бесна Кобила со истоимениот врв со надморска височина од 1923 метри.
Врвот Бесна Кобила е највисок врв во Југоисточна Србија, планината е дел од Родопскиот масив. Покрај планинарењето учесниците во акцијата ќе можат да уживаат и во Врањска Бања за што ќе биде потребна задолжителна опрема - купачи.
Искачувањето започнува од планинарскиот дом 1480 мнв.
Врвот Бесна Кобила е 1923 мнв што значи се искачуваат 557 мнв.
Должина на патеката е во двата правци е 11 км со што во целост ги исполнува условите за зимски тури. Вкупно времетрење на акцијата за искачување и симнување е 2 до 2.5 часа.
Врвот нуди впечатлив поглед на Власинско Езеро , Пирин, Копаоник, Варденик.
По искачувањето на врвот се упатуваме кон Врањска Бања која го има најтоплиот извор во Европа со 94 целзиусови степени.
Поаѓање од Железничка станица каj Пошта 2 – Скопје во 06:00 часот со предвидено враќање во Скопје до 21:00 часот.
Потребна опрема:
Планинарска опрема за зимско искачување, разгазени планинарски чевли, планинарски стапчиња,гамашни, капа, ракавици , топла јакна исл.
Исхрана:
Исхраната е од ранец , најмалку 2л вода.
Kарти за акцијата може да се набават во Планинарско Друштво Трансверзалец – простории на Студентски парламент секој ден од 8 до 16 часот, петок од 19 до 21ч. и на состаноци во четврток од 19.30 до 21.30ч.
Цената за превоз : 500ден.
Пријавување и уплати најдоцна до 15.12.2017 (петок)
Инфо: Зоран Костадинов 070/641 998
НАПОМЕНА:
- Секој учесник е должен да ги почитува правилата и насоките на организаторите и водичите, во спротивно сам е одговорен занесаканите последици.
- Наведената планинарска акција е организирана и движењето се одвива во група предводена од организаторите и водичите.
- Организаторите и водичите имаат право да исклучат член пред стартот на планинарската акција доколку не ги исполнува наведените услови и/или не ја поседува соодветната планинарска опрема за предвидената планинарска акција.
- Секој учесник во групата може да биде исклучен поради недолично однесување.
- Организаторите и водичите ги задржуваат правото на термините и редоследот на акцијата во зависност од временските услови и останатите технички препреки.
- Сите учесници во акцијата задолжително треба да располагаат со соодветна планинарска опрема за искачување во зимски услови.
- Секој учесник мора да има соодветна психофизичка подготвеност за искачувањето и учествува на сопствена одговорност.