Новата трета сезона на Планинарски предизвик „12 Врвови“ ја започнуваме со искачување на малкуосетуваниот врв Голема Враца висок 2582 метри, сместен на јужниот крај на главниот срт и било на протегање на Шар Планина, во чие подножје ќе ги видиме и двете природни леднички врачански езера. Голема Враца е величествено висок врв, претпоследен од највисоките врвови над 2500 метри, по редот на протегање на главниот шарски срт, кој многу стрмно и грамадно се издигнува над долината и изворишниот дел на Маздрача над Полог од источната македонска страна и висорамнината Шутман од западна косовска страна. За успешен почеток на третата сезона за искачувањето на Голема Враца нудиме три различни тури, а домаќини ќе ни бидат гостољубивите и вредни мештани на Pozarane-Пожаране (Месна Заедница-Пожаране) кои ќе не угостат и преку пригодна манифестација и програма.
1) ГОЛЕМА И ТЕШКА ТРАНСВЕРЗАЛНА ТУРА: ПОПОВА ШАПКА - ГОЛЕМА ВРАЦА
Патека на движење: Попова Шапка - Карабунар - извори на р. Смрека - превој (седло) со долината на Пена - карпестата порта под врв Трпезница - Челепино - висорамнина Шутман (по делницата бр. 5 на Западна Македонска Трансверзала ЗМТ) - Горно Врачанско Езеро - Голема Враца - Долно Врачанско Езеро - Тиха Вода - водостан Маздрача
Должина: 28 км
Времетрење: 10 часа
Тежина: тешка
Вода: на 4 места (чешма пред Пл. дом „Смрека“ на Попова Шапка, извор Карабунар, извори на р. Смрека, чешми на Шутман)
Тргнување од Скопје (паркинг пред Пошта 2/Железничка) во 3:30 и пристигнување за поаѓање од Попова Шапка 5:00.
Доколку се пријават најмалку 10 заинтересирани учесници, можност и да се организира превоз во САБОТА (06.10.2018) со престој во Планинарски дом по вкупна цена од 700 денари (600 денари превоз и учество + 200 денари ноќевање)
2) ТУРА: ВОДОСТАН МАЗДРАЧА - ГОЛЕМА ВРАЦА
Патекa на движење: Водостан Маздрача (1350 мнв) - шумски предел над Маздрача - Тиха Вода - Долно Врачанско Езеро - Горно Врачанско Езеро - Голема Враца (и назад по истата патека)
Должина: 14 км
Времетраење: 7 часа
тежина: средно тешка
Вода: на 1 место (чешма кај водостанот Маздрача)
3) ПРОШЕТКА НИЗ КОСТЕНОВИТЕ ШУМИ И ЗНАМЕНИТОСТИТЕ ОКОЛУ ПОЖАРАНЕ
Патека на движење: Пожаране - Долна Локва (палеонтолошки локалитет) - Прошовска Корија - Будимова Чешма
Должина: 8 км
Времетраење: 3 часа
тежина: лесна
Вода: чешми во Пожаране
Поаѓање од Скопје: 05:00 h од паркингот на Пошта 2 (Железничка/Транспортен Центар).
Цена: 600 денари
Mожно е доаѓање со сопствен превоз. Се молат сите останати учесници и посетители кои ќе одат со сопствен превоз, да уплатат учество во акцијата од 100 денари (кои ќе се искористат за: изработување на значките и обезбедување на наградите за предизвикот „12 Врвови“, организирање голема 2 дневна забава на крајот на предизвикот, печатење маици, бележење и маркирање на планинарските патеки по кои ги искачуваме врвовите).
Пријавување (за целосно сигурно одење) најдоцна до петок 05.10.2018 во 17 часот, на Марио Шаревски - 071 216 066, Верица Тодоровска - 070 342 787 и Лимонка Тасева - 071 591 260 или во порака на facebook страницата на Планинарски предизвик „12 Врвови“ задолжително со име и презиме и оставен ваш телефонски број за контакт (доколку сте целосно сигурни дека доаѓате).
УПАТСТВА:
- Тежината на првите две патеките е тешка и средна и не се препорачливи за почетници (се искачува голема стрмнина), третата патека е доста лесна прошетка препорачлива за почетници.
- Временските услови најавуваат сончево и стабилно, но постудено време со есенски услови (https://www.yr.no/place/Macedonia/Other/Golema_Vraca/long.html) заради што е препорачливо носење потопла облека, јакна-ветровка и/или кабаница, капа и резевна маица (пожелно е да се има и лесна јакна ветровка во ранец).
- Задолжително носење на планинарски стапчиња (за стрмни и каменести делови)
- Мобилните телефони да бидат со полни батерии (најмалку 95%)
- Храна од ранец за време на турите (сендвичи, суво овошје, чоколадо и житни плочки, најмалку 1,5 литар вода)
- Ручек гравче во Пожаране